Ishki turizm – jaslar názerinde tariyx hám miyras
27.02.2026 ПоделитьсяQaraqalpaqstan medicina institutı búgingi kúnde tek ǵana qánigeli medicina kadrların tayarlaw emes, al shet elli studentlerdi tartıw, olarǵa elimiz imkaniyatları hám Qaraqalpaqstannıń bay tariyxı menen mádeniy miyrasın keńnen úgit-násiyatlawdı da tiykarǵı wazıypalardan biri sıpatında belgilegen.
Usı maqsette institutta oqıp atırǵan Hindstanlı studentler ushın ishki turizmdi rawajlandırıw sheńberinde Mizdaxkan kompleksine sayaxat shólkemlestirildi.
(b.e.sh. IV ásir – b.e.sh. XIV ásir) – Qaraqalpaqstannıń eń áyyemgi hám eń kóp zıyarat etiletuǵın zıyarat orınlarınan biri, Oraylıq Aziyadaǵı eń húrmetke ılayıqlı musılman zıyarat orınlarınan biri.
Qalanıń ataması arablar basıp alıw dáwiri menen baylanıslı bolıp, olar keliwinen aldın bul jerdegi xalıq zardushtiylik dinine sıyınǵan.
Mizdahkan túrli dáwirlerge tiyisli arxitekturalıq imaratlardıń keń kompleksi bolıp, oǵan Shamun-nabi, Mazlumxan-sulu, xalifa Erejep maqbaraları hám Jumart-qassab qorǵanların óz ishine aladı. Olar shet elli studentlerde úlken qızıǵıwshılıq oyattı.
Bunday sayaxatlar studentlerdiń elimiz tariyxı hám mádeniyatı haqqındaǵı bilimlerin bayıtıw, Qaraqalpaqstannıń turizm potencialın xalıqaralıq kólemde úgit-násiyatlaw hám jaslar arasında mádeniy baylanıslardı bekkemlewge xızmet etedi.



