Húrmetli professor-oqıtıwshılar, áziz studentler hám jas izertlewshiler!
01.03.2026 ПоделитьсяÓzbekstan Respublikası Prezidenti húrmetli Shavkat Mirziyoevtiń basshılıǵında Kóksaray rezidenciyasında jaslar menen ótkerilgen ashıqtan-ashıq sóylesiw mámleketimizde jaslarǵa baylanıslı mámleketlik siyasattı jańa basqıshqa alıp shıqtı.
Mámleket basshısı tárepinen belgilep berilgen tiykarǵı wazıypalar – jaslardıń sapalı bilim alıwı, kásip iyelewi, isbilermenlik penen shuǵıllanıwı hám jámiyetlik turmısta belsene qatnasıwın támiyinlewge qaratılǵan.
Usı múnásibet penen Qaraqalpaqstan medicina institutı jámááti tómendegi baǵdarlardı óz jumısınıń tiykarǵı wazıypası etip belgileydi:
🔹 Jaslardı qollap-quwatlaw – hár bir fakultet hám kafedrada mánzilli islew sisteması, studentlerdiń baslamaların qollap-quwatlaw platforması hám startap joybarlar ushın keń imkaniyatlar jaratıladı.
🔹 Bilimlendiriwdiń sapasın arttırıw – sanlı texnologiyalar hám jasalma intellekt elementlerin engiziw, “dual tálim” mexanizmlerin keńeytiw, ámeliyat kólemin arttırıw hám shet tillerin jańa formatta oqıtıw jolǵa qoyıladı.
🔹 Jaslar isbilermenligi – startap ideyalardı biznes joybarlarǵa aylandırıw ushın mentorlik sisteması hám investorlar qatnasıwında forumlar shólkemlestiriledi.
🔹 Ruwxıylıq hám kitapqumarlıq – zamanagóy kitapxana ortalıǵı, ádebiy pikirlesiwler hám dóretiwshi studentlerdi qollap-quwatlaw baǵdarlamaları keńeytiledi.
🎯 Tiykarǵı maqset – hár bir pitkeriwshi keminde bir kásiplik kónlikpe hám bir shet tilin ámeliy dárejede iyelegen, erkin pikirleytuǵın hám básekige shıdamlı qánige bolıp jetisiwi.
Búgin mámleketimizdiń rawajlanıwı jaslardıń bilimli, pidayı hám belsendi bolıwı menen tıǵız baylanıslı. Belgilengen wazıypalar – bárshemiz ushın joqarı juwapkershilik bolıp esaplanadı.
Qaraqalpaqstan medicina institutı jámááti jaslarımızdıń ilim, innovaciya, isbilermenlik hám ruwxıylıq tarawlarında jetekshi áwlad bolıp kamalǵa keliwi ushın bar kúsh hám imkaniyatların jumsaydı.
Bársheńizdi usı iygilikli maqsetler jolında birgelikte belsendilik hám juwapkershilik penen islewge shaqıramız!
Olimbay Xalimov
Qaraqalpaqstan medicina institutı rektorı
