“ÓTMISHKE SAYAXAT” DÁSTÚRI SHEŃBERINDE MUZEYGE SAYAXAT SHÓLKEMLESTIRILDI
30.04.2026 ПоделитьсяQaraqalpaqstan medicina institutı studentleri “Ótmishke sayaxat” dástúri sheńberinde “Repressiya qurbanları” muzeyine bardı. Bul ilaj siyasiy repressiya qurbanlarınıń ómiri hám qızmeti menen tanısıw, olardıń esteligin máńgilestiriw maqsetinde shólkemlestirildi. Tyutor N.Jienbaeva hám M.Karimova baslaması menen ótkerilgen ilajda 2-medicina fakulteti 2-kurs studentleri belsene qatnastı.
Muzeydegi eksponatlar arqalı jaslar búgingi tınısh hám abadan turmıstıń qádirine jetiw, berilip atırǵan imkaniyatlardan juwapkershilik penen paydalanıw zárúrligin tereńirek túsindi.
Sayaxat dawamında studentlerge muzey xızmetkerleri tárepinen hár bir eksponattıń tariyxı, onıń mazmunı hám mámleketimiz ushın áhmiyeti haqqında keń maǵlıwmat berildi.
Mádeniy miyraslarımız ata-babalarımızdan qalǵan qımbat estelikler esaplanadı. Olardı asrap-abaylaw, keleshek áwladqa jetkeriw hár birimizdiń wazıypamız ekenligi atap ótildi.


