Ilimiy izleniwler – keleshek tiykarı

19.03.2026

👁 9 marta ko‘rilgan

Qaraqalpaqstan medicina institutında ilimiy isler hám innovaciyalar boyınsha prorektor Ruslan Ametov student-jaslar menen ashıqtan-ashıq sáwbetlesti.

✍️ Ushırasıw dawamında institutta alıp barılıp atırǵan ilimiy-izertlew jumısları, medicina tarawındaǵı innovaciyalıq baǵdarlar hámde jaslar ushın jaratılıp atırǵan imkaniyatlar haqqında tolıq maǵlıwmat berildi. Sonday-aq, startap joybarlardı qáliplestiriw, ilimiy grantlar tańlawlarında qatnasıw tártibi hám olardıń abzallıqları keńnen sáwlelendirildi.

🚀 Ruslan Ametov studentlerdi óz ideyaları tiykarında innovaciyalıq joybarlar jaratıwǵa, ilimiy jumısta belsendi bolıwǵa hám zamanagóy texnologiyalardı izertlew processlerine engiziwge shaqırdı.

🤝 Ushırasıw dawamında studentler ózlerin qızıqtırǵan sorawlar menen múrájat etip, ilimiy jumıstı rawajlandırıw boyınsha usınıslar bildirdi. Ashıq hám qızǵın sóylesiw bolsa keleshektegi ilimiy birge islesiwler ushın bekkem tiykar jarattı.

PHP Code Snippets Powered By : XYZScripts.com