“Ma’rifat maydoni” — bilim hám pikirlew sınaǵı
20.02.2026 ПоделитьсяQaraqalpaqstannıń joqarı oqıw orınları arasında ótkerilgen “Ma’rifat maydoni” tańlawı jaslardıń intellektuallıq potencialın kórsetken abıraylı jarıs boldı.
🏆 Tańlaw juwmaqları boyınsha:
🥇 Nókis mámleketlik pedagogikalıq institutı — 1-orın
🥈Qaraqalpaqstan medicina institutı — 2-orın
🥈 Qaraqalpaq mámleketlik universiteti — 2-orın
🥉Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı — 3-orın.
Qaraqalpaqstan medicina institutı rektorı Olimbay Xalimov tańlaw qatnasıwshıları menen ushırasıp, olardı múnásip qatnasıwı menen qutlıqladı hám aldaǵı ilimiy-dóretiwshilik jumıslarında áwmetler tiledi.
“Ma’rifat maydoni”nıń baslı maqseti – jaslardıń dúnyaqarasın keńeytiw, ruwxıy-aǵartıwshılıq bilimlerin bekkemlew hám erkin pikirlew kónlikpelerin rawajlandırıw bolıp esaplanadı. Tańlaw dawamında studentlerdiń kitapqumarlıq mádeniyatı, tariyx hám ádebiyatqa baylanıslı bilimleri, analitikalıq pikirlewi hám jámáátlik birge islesiw qábileti sınaqtan ótkerildi.
Bul jarıs jáne bir márte sonı kórsetti, aǵartıwshı hám tereń oylı jaslar – jámiyet rawajlanıwınıń eń bekkem tiykarı bolıp esaplanadı.









