Jańalıqlar

Ózbekstan hám Qaraqalpaqstan xalıq jazıwshısı Tólepbergen Qayıpbergenov:

07.05.2025

👁 2 marta ko‘rilgan

«Eger maǵan XXI ásirdegi qaraqalpaq qızlarınıń obrazın jaratıp ber dese, Oral Ataniyazova haqqında jazar edim» degen edi.

Oral Ataniyazova 1956-jıl Xojeli rayonında tuwılǵan. Joqarǵı maǵlıwmatlı Tashkent mámleketlik medicina institutında oqıǵan.

O.Ataniyazova ilimiy izlenislerin 1990-1996-jılları Rossiyada alıp barǵan hám sol jerde ilimpaz sıpatında qáliplese baslaǵan.

Rossiya ilimler akademiyasınıń akusherlik ginekologiya hám perinatologiya orayında 1986-jılı kandidatlıq, 1996-jılı doktorlıq dissertaciyaların qorǵap shıqqan.

Ilimiy izlenisleri barasında 5000 nan aslap qaraqalpaqstanlı hayallardıń reproduktiv salamatlıǵı boyınsha jumıslar alıp barǵan.

Búgingi kúnde, Ózbekstan Respublikası Oliy Majlisi Senatınıń Ilim, bilimlendiriw hám densawlıqtı saqlaw máseleleri komiteti baslıǵınıń orınbasarı.

Jenavedaǵı Parlamentler aralıq awqamnıń (IPU) 2023-2027-jılları den sawlıqtı saqlaw boyınsha isshi topar aǵzası.

2004-2008, 2023-2026-jılları Xalıq aralıq ekologiya shólkeminiń («International Sociey Doctors for the Environment») prezidenti, xalıq aralıq kólemde tanılǵan «Perzent» orayınıń tiykarın salıwshı hám prezidenti.

Xalıq aralıq konferenciyalardıń tiykarǵı spikeri (OON – Nyu-York, London, Kioto, Parij, Meksika – taǵı basqa).

O.Ataniyazova Qaraqalpaqstanda hayal-qızlar arasında birinshi medicina ilimleri doktorı. Onıń baslaması menen 2020-jıl Tashkent pediatriya medicina institutı Nókis filialı, Qaraqalpaqstan Medicina Institutına aylandırıldı. Bul Ózbekstan tariyxında ǵárezsiz institutqa aylandırılǵan birinshi filial esaplanadı.

O.Ataniyazova 2021-2022-jıllar dawamında shet el grantı tiykarında Qaraqalpaqstan medicina institutına ulıwma 10 million AQSh dolları muǵdarında (100 milliard sumnan artıq) investiciya alıp keldi.

O.Ataniyazovanıń miynetleri mámleketimizde de, xalıq aralıq kólemde de múnásip bahalanıp kelinbekte. Ol «Qaraqalpaqstan Respublikasına miyneti sińgen ilim ǵayratkeri», ekologiyalıq mashqalalardı sheshiwde áhmiyetli úlesi ushın «Goldman» dúnya júzlik ekologiyalıq sıylıǵı, I dárejeli «Soǵlom avlod uchun» ordeni, «Ózbekstan Respublikasına xızmet kórsetken jaslar ustazı» mámleketlik ataqları menen sıylıqlanǵan.

QMI Baspasóz xatkeri

Kanalǵa aǵza bolıw:👇👇

▪️ 🕊Telegram📱Instagram📱Facebook📺YouTube

PHP Code Snippets Powered By : XYZScripts.com