QARAQALPAQ ÁDEBIYATINIŃ QOS BAYTEREGI
07.05.2026 Поделиться➤ Búgin, 7-may kúni Ózbekstan Qaharmanları, Ózbekstan hám Qaraqalpaqstan xalıq shayırı Ibrayım Yusupov hám Ózbekstan hám Qaraqalpaqstan xalıq jazıwshısı Tólepbergen Qayıpbergenov tuwılǵanına 97 jıl tolıwı múnásibeti menen Qaraqalpaqstan medicina institutında “Qaraqalpaq ádebiyatınıń qos bayteregi” atamasında ádebiy keshe bolıp ótti.
➤ Ilajdı instituttıń Jaslar máseleleri hám ruwxıy-aǵartıwshılıq isleri boyınsha birinshi prorektorı Z.Aleuov kiris sóz benen ashtı.
➤ Búgingi ádebiy keshe ullı jazıwshılardıń miyrasın úgit-násiyatlaw hám jaslar qálbinde milliy qádiriyatlarǵa húrmetti bekkemlew maqsetinde shólkemlestirildi.
➤ Ilajda miyman sıpatında jazıwshılardıń perzentleri instituttıń professor-oqıtıwshıları hám de student-jaslar qatnastı.
➤ Ádebiy keshe dawamında belgili jazıwshılardıń mazmunlı ómiri hám dóretiwshilik jumıslarına baǵıshlanǵan qısqa soraw-juwaplar, saxnalıq kórinisler hám kórkem kompoziciyalar student-jaslar tárepinen sheberlik penen atqarıldı.









