Qaraqalpaqstan medicina institutı docenti akademiyalıq mobillik baǵdarlaması sheńberinde Qazaqstan Respublikasında
20.04.2026 Поделиться2026-jıl 20-aprel – 3-may aralıǵında Qaraqalpaqstan medicina institutı “Ózbek tili, tiller hám jámietlik pánler” kafedrası docenti Xoja Axmet Yassawiy atındaǵı xalıqaralıq Qazaq túrk universitetine akademiyalıq mobillik baǵdarlaması boyınsha xızmet saparına jónep ketti.
Búgin kafedra docenti T.Pirniyazova Xoja Axmet Yassawiy atındaǵı xalıqaralıq Qazaq túrk universitetiniń Din tanıw kafedrası baslıǵı F.Kamalova da kafedra professor oqıtıwshıları menen ushırastı hám óz baǵdarı boyınsha rejege muwapıq studentler ushın lekciya hám ámeliy sabaqlar ótiw menen bir qatarda ámeliy kónlikpeler, pedagogikalıq sheberlik boyınsha seminar treningler alıp barıw haqqında sóz boldı.
Oqıtıwshınıń xızmet saparı reje tiykarında dawam etedi.


