Jańalıqlar

Qaraqalpaqstan medicina institutı studentleri – sanlı texnologiyalarǵa qaray isenimli qádem!

19.07.2025

👁 2 marta ko‘rilgan

“Áhmiyetli 90 kún” joybarı sheńberinde Qaraqalpaqstan medicina institutı studentleri zamanagóy sanlı texnologiyalar boyınsha tereń bilim hám ámeliy kónlikpelerge iye bolmaqta.

Búgin, instituttıń Ruwxıy-aǵartıwshılıq isleri boyınsha bólim baslıǵı A.Ajievtiń basshılıǵında belsendi studentler UZINFOCOM Birden-bir integratorınıń Ustudy IT Akademiyasına sapar uyımlastırıldı.

Sapar dawamında tyutorlar hám olarǵa biriktirilgen studentler IT Akademiyasında “3D modellestiriw” boyınsha master-klassqa qatnasıp, óz bilimlerin bekkemlew imkaniyatına iye boldı.

Akademiyada IT tarawında úlken tájiriybege iye qánige Nukusbay Ubaydullaev tárepinen studentlerge programmalastırıwdıń baslanǵısh tiykarları, 3D modellestiriw texnologiyalarınıń medicina tarawında qollanılıwı hám bul baǵdarda júz berip atırǵan sońǵı innovaciyalar haqqında tolıq maǵlıwmatlar berildi.

3D modellestiriwdiń medicinadaǵı ornı – bul tek ǵana texnologiyalıq jańalıq emes, al zamanagóy diagnostika, xirurgiyalıq ámeliyat hám medicinalıq bilimlendiriwdiń sapasın jańa basqıshqa alıp shıǵatuǵın qural bolıp esaplanadı.

Bul baslama studentlerdiń sociallıq belsendiligin arttırıw, zamanagóy IT kónlikpelerin qáliplestiriw hám keleshektegi básekige shıdamlı kadrlar bolıp jetilisiwinde áhmiyetli basqısh boldı.

🔹 Innovaciya – bul biziń keleshegimiz!

🔹 Medicina hám texnologiyanıń únlesligi – zamanagóy dáwir talabı!

▪️ ✅Telegram 🌐 Instagram 📹 Facebook✅YouTube

PHP Code Snippets Powered By : XYZScripts.com