Basshılıqtıń rásmiy bayanatları hám shıǵıwları,Jańalıqlar

Qaraqalpaqstan medicina institutında “Muǵallimler hám ustazlar kúni” keńnen belgilendi

30.09.2025

👁 7 marta ko‘rilgan

1-oktyabr – elimizdiń bilimlendiriw sistemasında eń ullı hám qádirlenetuǵın sánelerden biri, muǵallim hám ustazlardıń pidákerlik miynetin qádirlew bayramı bolıp esaplanadı. Usı múnásibet penen Qaraqalpaqstan medicina institutında da kóterińki ruwxta bayram ilajı shólkemlestirildi.

✨ Ilajda institut professor-oqıtıwshıları, rektorat aǵzaları, dekanlar hám belsendi studentler qatnastı. Bayramdı institut rektorı Olimbay Xalimov ashıp berip, oqıtıwshılardı qızǵın qutlıqladı, olardıń tálim-tárbiya jolındaǵı pidayı xızmetlerin ayrıqsha atap ótti.

Qutlı sáne qarsańında instituttıń Gigiena hám qorshaǵan ortalıq, epidemiologiya kafedrası oqıtıwshısı Dilbar Ataxanova Respublikamız kólemindegi bayram saltanatında “Watan pidayısı” kókirek belgisi menen sıylıqlanǵanlıǵı ilajda maqtanısh penen atap ótildi.

Sonıń menen birge, bir qatar ustazlar jas áwladtı tárbiyalawdaǵı pidayılıǵı hám bilimlendiriw procesindegi jetiskenlikleri ushın húrmet jarlıqları hám estelik sawǵaları menen sıylıqlandı. Institut kóleminde ótkerilgen sport jarıslarında jeńimpaz bolǵan ustazlarda xoshametlendi.

Bayram ilajı dawamında student-jaslardıń qosıqları, qosıqları hám dóretiwshilik shıǵıwları ustazlarǵa bolǵan mehir hám húrmetti jáne de ayqın sáwlelendirdi. Qızǵın qutlıqlawlar, jıllı sózler hám kóterińki keypiyat ilajǵa ózgeshe ruwx baǵıshladı.

Juwmaqlap aytqanda, Muǵallimler hám ustazlar kúni – ustazlarǵa bolǵan sheksiz húrmet belgisi sıpatında, jaslardıń qálbinde olarǵa mehir-muhabbattı bekkemlewde úlken áhmiyetke iye.

✒️ Qaraqalpaqstan medicina institutı Baspasóz xızmeti

▪️ ✅Telegram 🌐 Instagram ✅ Facebook📹 YouTube

PHP Code Snippets Powered By : XYZScripts.com