Jańalıqlar

Qaraqalpaqstan medicina institutında Qazaqstanlı studentler akademiyalıq mobillik tiykarında bilim aldı

10.04.2026

👁 2 marta ko‘rilgan

Instituttıń II-Medicina fakultetinde akademiyalıq mobillik baǵdarlaması tiykarında bir topar qazaqstanlı jaslar, 1 cikl dawamında oqıp, bilim aldı. Bul baǵdarlama xalıqaralıq birge islesiwdi rawajlandırıw hám studentler arasında ilimiy hám mádeniy baylanıslardı bekkemlew maqsetinde shólkemlestirildi. Baǵdarlama dawamında qazaqstanlı studentler “Balalar juqpalı keselleri” páninen teoriyalıq tiykarların tereń úyreniw menen birge, instituttıń aldıńǵı professor-oqıtıwshıları tárepinen ótkerilgen ámeliy sabaqlarda belsene qatnastı.

Qazaqstanlı studentler óz sózlerinde institutta jaratılǵan sharayatlar, oqıtıwshılardıń joqarı mamanlıǵı hám bilim alıw procesiniń joqarı dárejesin ayrıqsha atap ótti. Bul baǵdarlama eki mámleket arasındaǵı bilimlendiriw hám mádeniyat tarawındaǵı birge islesiwdiń ayqın úlgisi bolıp, keleshekte bunday baslamalardıń jáne de keńeytiliwi rejelestirilgen.

PHP Code Snippets Powered By : XYZScripts.com