Jańalıqlar

Qaraqalpaqstan medicina institutında qospa bakalavriat tálim baǵdarı boyınsha test sınaqları baslandı!

23.08.2025

👁 3 marta ko‘rilgan

️Ózbekstan Respublikası Ministrler Kabineti tárepinen tastıyıqlanǵan “Ózbekstan Respublikası hám shet elli birge islesiwshi joqarı bilimlendiriw shólkemleriniń qospa bakalavriat tálim baǵdarı tiykarında bilimlendiriw jumısın shólkemlestiriw tártibi haqqındaǵı reje” talaplarına muwapıq, Qaraqalpaqstan medicina institutı hám Sankt-Peterburg mámleketlik pediatriya medicina universiteti menen birgelikte ámelge asırılıp atırǵan “Pediatriya” bakalavriat tálim baǵdarı baǵdarı ushın qabıllaw processleri alıp barılmaqta.

📌 “3+3” tálim forması:

▫️ 1-3-kurslar – Qaraqalpaqstanda

▫️ 4-6-kurslar – Sankt-Peterburgda

🔹 Oqıw tek ǵana rus tilinde alıp barıladı.

️Kiriw tártibi Rejege muwapıq eki basqıshta ámelge asırıladı:

1️. Biologiya hám ximiya pánlerinen test sınaǵı

2️. Rus tili boyınsha test sınaǵı (Bilimdi bahalaw agentligi wákilleriniń qatnasıwında)

️Qararda belgilengenindey:

• Birgeliktegi bilimlendiriw baǵdarlamasına kiriw eki basqıshta ámelge asırıladı;

• Test sınaqlarında belgilengen minimal ball toplaǵan abiturientler keyingi basqıshta qatnasıw huqıqına iye;

• Oqıwdı tabıslı tamamlaǵan pitkeriwshilerge eki diplom – Ózbekstan Respublikası joqarı bilimlendiriw shólkeminiń mámleketlik úlgisindegi diplom hám shet elli birge islesiwshi joqarı bilimlendiriw shólkeminiń diplomı beriledi.

️Processti Instituttıń rásmiy YouTube kanalında tikkeley efirde baqlawıńız múmkin.

👉 https://www.youtube.com/live/oT2k22GqU4s?si=G1ff0F3WB-KW0RuB

✅Telegram 🌐 Instagram 📹 Facebook✅YouTube

PHP Code Snippets Powered By : XYZScripts.com