Qaraqalpaqstan medicina institutında úlken ilimiy ilaj!

18.04.2025

👁 9 marta ko‘rilgan

Búgin Qaraqalpaqstan medicina institutında áhmiyetli waqıyalar bolıp ótpekte – 1) “Juqpalı keselliklerdi emlew hám aldın alıwdıń zamanagóy máseleleri” 🔬atamasında respublikalıq ilimiy-ámeliy konferenciyası 2) “Medicinalıq ekologiya” 🌍 baǵdarında 1-xalıqaralıq studentler olimpiadası start aldı!

Konferenciyanı institut rektorı wazıypasın atqarıwshı. Olimbay Xalimov ashıp berip, ilaj “Qorshaǵan ortalıqtı qorǵaw hám jasıl ekonomika jılı” sheńberinde shólkemlestirilip atırǵanın atap ótti. Ol sırt elli miymanlar, professor-oqıtıwshılar hám olimpiadada qatnasıp atırǵan studentlerdi qızǵın qutlıqladı.

Soń, Qaraqalpaqstan Respublikası densawlıqtı saqlaw ministri Murat Qurbanov shıǵıp sóylep, mámleketimizde ámelge asırılıp atırǵan reformalar hám densawlıqtı saqlaw sistemasına berilip atırǵan itibar haqqında sóz etti.

Ilajda Qubla Koreya, Avstriya hám Qazaqstannan kelgen jetik professorlar da qatnasıp, óz ilimiy kózqarasları hám tájiriybeleri menen bólisti:

▪️ Prof. Jeewook Choi – Koreya universiteti (Qubla Koreya)

▪️ Prof. Hans Moshammer – Vena medicina universiteti (Avstriya)

▪️ Rawshan Kuandikov – X.A. Yassawiy atındaǵı xalıqaralıq universitet kafedra baslıǵı (Qazaqstan)

Konferenciya jumısın juqpalı kesellikler epidemiologiyası, sociallıq áhmiyetke iye kesellikler profilaktikası hám emleniwi boyınsha sekciyalarda dawam ettiredi.

✅ Ilim, tájiriybe hám innovaciyalar birlesken mazmunlı ushırasıwdan elimiz medicinası ushın úlken nátiyjeler kútilmekte!

PHP Code Snippets Powered By : XYZScripts.com