Jańalıqlar

Sahıpqıran Ámir Temur tuwılǵanınıń 690 jıllıǵına baǵıshlanǵan ilaj shólkemlestirildi

10.04.2026

👁 3 marta ko‘rilgan

Qaraqalpaqstan medicina institutinda ullı sárkarda, mámleketlik ǵayratker hám joqarı mánawiyat tımsalı bolǵan Sahıpqıran Ámir Temur tuwılǵan kúniniń 690 jıllıǵına baǵıshlanǵan ilaj bolip ótti. Ilaj Temuriyler dáwiriniń siyasiy, mádeniy hám ilimiy miyrasın keńnen sáwlelendiriw hám jaslardi tariyxıy qádiriyatlarǵa húrmet ruwxında tárbiyalaw maqsetinde shólkemlestirildi.

Ilajdı institut jaslar máseleleri hám ruwxıy-aǵartıwshılıq isleri boyınsha birinshi prorektorı Z.Alewov ashıp berdi. Ol óziniń shıǵıp sóylegen sózinde Ámir Temur shaxsınıń jáhán tariyxındaǵı ornı, onıń oraylasqan mámleket qurıwdaǵı xızmetleri, jáne ilim hám mádeniyattıń rawajlanıwına qosqan úlken úlesi haqqında ayrıqsha toqtap ótti.

Ilaj studentlerdıń Ámir Temurdıń oraylasqan mámlekettiń tiykarın salıwshı ullı sárkarda ilimniń rawajına etken qáwenderlikleri haqqında bayanat hám video kórinisler menen dawam etti.

PHP Code Snippets Powered By : XYZScripts.com