SALAMAT ÁWLAD – TUWRÍ MEDICINALÍQ BILIM HÁM JUWAPKERSHILIKLI QATNASÍQ NÁTIYJESI
31.10.2026 Поделиться31-oktyabr kúni Qaraqalpaqstan medicina institutında hayal-qızlardıń medicinalıq sawatlılıǵın rawajlandırıw, densawlıqtı saqlaw hám násillik keselliklerdiń aldın alıw máselelerine arnalǵan seminar shólkemlestirildi.
Ilajda instituttıń hayal-qızlar máseleleri boyınsha rektor másláháchisi Z.Erimbetova hám “Preventiv medicina tiykarları, xalıq medicinası hám nevrologiya” kafedrası assistenti V.Ajimuratova qatnastı.
Seminar dawamında násillik keselliklerdiń kelip shıǵıw sebepleri hám qáwip faktorları, olardıń profilaktikasında medicinalıq-genetikalıq másláhátlerdiń ornı, shańaraqtı rejelestiriwde juwapkershilikli qarar qabıl etiw hám salamat turmıs tárizine ámel etiwdiń áhmiyeti haqqında maǵlıwmatlar berildi.
Sonday-aq, keselliklerdi erte anıqlaw, zárúr jaǵdaylarda maman qánigelerge óz waqtında múrájat etiw hám medicinalıq usınıslarǵa ámel etiw salamat keleshekti támiyinlewdegi áhmiyetli faktorlar ekeni atap ótildi.






