STUDENTLER QÁWIPSIZLIGI — TURAQLÍ ITIBARDA
06.11.2026 ПоделитьсяQaraqalpaqstan medicina institutında student-qızlardıń ijara úylerindegi jasaw sharayatların úyreniw, olardıń qáwipsizligi hám sociallıq-turmıslıq mashqalaların óz waqtında anıqlawǵa ayrıqsha itibar qaratılǵan.
Atap aytqanda, fakultettiń hayal-qızlar máseleleri boyınsha dekan másláháchisi N. Jienbaeva tárepinen student-qızlar jasap atırǵan ijara úylerinde úyreniw jumısları alıp barıldı. Anıqlanǵan mashqalalar boyınsha institut tárepinen shólkemlestirilgen jumısshı topar aǵzaları ısıtıw sistemasındaǵı morıtı tazalaw jumısların ámelge asırdı.
📢 Studentler dıqqatına!
Eger siz jasap atırǵan ijara úyińizde de ısıtıw sisteması menen baylanıslı mashqalalar bolsa, ózińizge biriktirilgen tyutorǵa xabarlasıwıńızdı soraymız. Institut tárepinen shólkemlestirilgen jumısshı topar júzege kelgen mashqalalardı úyreniw hám olardı saplastırıwda sizge járdem beriwge tayar.
