JASLAR MENEN PROFILAKTIKALÍQ USHÍRASÍW
05.11.2026 ПоделитьсяQaraqalpaqstan medicina institutında “Ashıq esikler kúni” múnásibeti menen student-jaslar qatnasıwında “Náshebentlik — ómirdiń zawalı” atamasında profilaktikalıq ilaj shólkemlestirildi.
Ilajǵa institut profilaktika inspektorı T. Karlibaeva, Respublikalıq AIJSqa qarsı gúresiw orayınıń dermatovenerolog shıpakeri E. Turemuratova hám Respublikalıq ruwxıy salamatlıq ilimiy-ámeliy medicina orayı narkologiya xızmeti Qaraqalpaqstan Respublikası filialı narkolog shıpakeri N. Dauletmuratova qatnastı.
Ushırasıw dawamında qánigeler náshebentlik qurallarınıń insan salamatlıǵı, ruwxıy jaǵdayı hám keleshegine unamsız tásiri, onıń awır aqıbetleri hám AIV infekciyası menen baylanıslı qáwip-qáterler haqqında maǵlıwmat berdi.
Sonday-aq, jaslar arasında zıyanlı ádetlerdiń aldın alıw, salamat turmıs tárizine ámel etiw, hár qıylı unamsız tásirlerge qarsı bekkem turmıslıq poziciyanı qáliplestiriw máselelerine ayrıqsha itibar qaratıldı.
