NÁSHEBENTLIK — KELESHEKKE QÁWIP!
03.11.2026 Поделиться👁 2 marta ko‘rilgan
Qaraqalpaqstan medicina institutınıń studentler turaq jayında 2-medicina fakulteti hayal-qızlar máseleleri boyınsha dekan másláháchisi N. Jienbaeva qatnasıwında student-qızlar menen náshebentliktiń aldın alıwǵa qaratılǵan profilaktikalıq ushırasıwlar shólkemlestirildi.
Ilaj dawamında náshebentlik zatlardıń insan salamatlıǵı, ruwxıy jaǵdayı, oy-pikirleri hám sociallıq turmısına tiygizetuǵın unamsız tásiri haqqında tolıq maǵlıwmatlar berildi.
Ushırasıwdan gózlengen tiykarǵı maqset — student-qızlar arasında náshebentlik hám basqa da zıyanlı illetlerdiń aldın alıw, olardıń salamatlıǵın saqlaw hám salamat turmıs tárizin keńnen úgit-násiyatlawdan ibarat.
