XALÍQARALÍQ BIRGE ISLESIWDIŃ JAŃA BASQÍSHÍ: QMI KOREYADA
05.11.2026 ПоделитьсяQaraqalpaqstan medicina institutı rektorı Olimbay Xalimov basshılıǵındaǵı delegaciya xalıqaralıq birge islesiw joybarı sheńberinde Koreya Respublikasına bardı.
Sapar Koreyanıń abıraylı joqarı bilimlendiriw mákemelerinen biri – Korea University (Koreya universiteti) hám onıń janındaǵı Sanaat hám akademiyalıq birge islesiw fondı menen birgelikte shólkemlestirildi.
Ilaj sheńberinde Koreya universitetiniń ilimiy tájiriybesin úyreniw, qorshaǵan ortalıq salamatlıǵı baǵdarında ilimiy hám ámeliy birge islesiwdi rawajlandırıw, zamanagóy bilimlendiriw qatnasıqların oqıw procesine engiziw belgilengen.
Sonday-aq, birge islesiwdiń keyingi basqıshlarında qospa ilimiy izertlewlerdi jolǵa qoyıw, professor-oqıtıwshılar hám studentlerdiń xalıqaralıq tájiriybe almasıw imkaniyatların keńeytiw jáne bilimlendiriw hám ilimiy tarawlardaǵı óz-ara baylanıslardı bekkemlewge ayrıqsha itibar qaratıladı.
