STUDENT-JASLARDÍŃ QATNASÍWÍNDA HUQÍQÍY ÚGIT-NÁSIYAT ILAJÍ ÓTKERILDI
12.11.2026 ПоделитьсяQaraqalpaqstan medicina institutında student-jaslardıń huqıqıy sawatlılıǵın arttırıw, nızamshılıqtaǵı áhmiyetli talaplar hám puqaralardıń huqıqlarına baylanıslı bilimlerin bekkemlew maqsetinde huqıqıy úgit-násiyat ilajı shólkemlestirildi.
Ilajda Jinayat isleri boyınsha Nókis qalalıq sudınıń baslıǵı Sh. Shamambetov, sudya A. Shinibekov, Qaraqalpaqstan medicina institutınıń inspektorı T. Karlibaeva hám student-jaslar qatnastı.
Ushırasıw dawamında adam sawdası hám májbúriy miynettiń aldın alıw, hayal-qızlardı qısım hám zorlıqtan qorǵaw, fizikalıq hám yuridikalıq shaxslardıń múrájat etiw huqıqı hám onıń nızamlı kepillikleri, sonday-aq korrupciyaǵa qarsı gúresiw boyınsha qabıl etilgen jańa Mámleketlik baǵdarlamanıń mazmun-mánisi hám onda belgilengen ústin wazıypalar boyınsha tolıq túsindirmeler berildi.
