“MED-LIDER” JAMOASI — FAXRLI 2-O‘RIN SOHIBI!
14.10.2026 Поделиться
Ajiniyoz nomidagi Nukus davlat pedagogika institutida oliy ta’lim muassasalari talaba-yoshlari o‘rtasida “Munozara” intellektual turnirining hududiy bosqichi bo‘lib o‘tdi.
Mazkur bellashuvda Qoraqalpog‘iston tibbiyot institutining “MED-LIDER” jamoasi faol ishtirok etib, munosib natija ko‘rsatdi va faxrli 2-o‘rinni qo‘lga kiritdi.
Ushbu natija talaba-yoshlarning intellektual salohiyati, mustaqil fikrlashi, dalillar asosida o‘z nuqtayi nazarini himoya qilish hamda jamoaviy ishlash ko‘nikmalarining namoyonidir.
Qoraqalpog‘iston tibbiyot instituti “MED-LIDER” a’zolarini erishgan yutuqlari bilan muborakbod etadi va kelgusi musobaqalarda ularga yangi muvaffaqiyatlar tilaydi!
