BÁSEKI NÍZAMSHÍLÍǴÍ TALAPLARÍ HÁM OLARDÍŃ ÁMELIY ÁHMIYETI DODALANDÍ
09.11.2026 ПоделитьсяBúgin Qaraqalpaqstan medicina institutında Báseki komiteti sisteması shólkemlestirilgeniniń 30 jıllıǵı múnásibeti menen báseki nızamshılıǵı talapları hám olardıń ámeliy áhmiyetine baǵıshlanǵan seminar ótkerildi.
Seminarda Qaraqalpaqstan Respublikası Báseki komiteti bólim basshısı A. Ajimov hám Qaraqalpaq mámleketlik universiteti professorı Sh. Shamshetov qatnasıp, tema boyınsha bayanatlar menen shıǵıp sóyledi.
Ilaj dawamında báseki nızamshılıǵınıń tiykarǵı principleri, monopoliyaǵa qarsı komplayens sisteması, tovar hám finans bazarlarında teń báseki sharayatların támiyinlew hámde tutınıwshılar huqıqların qorǵaw máseleleri boyınsha tolıq maǵlıwmatlar berildi.
Sonday-aq, «Báseki haqqında»ǵı Nızamnıń jańa redakciyasında belgilengen normalar, báseki nızamshılıǵın buzıwdıń aldın alıw mexanizmleri hámde nızam buzıwshılıqlar ushın názerde tutılǵan juwapkershilik ilajları túsindirildi.
