«SAPA HÁPTELIGI»
09.11.2026 ПоделитьсяQaraqalpaqstan Respublikası Báseki rawajlandırıw hám tutınıwshılar huqıqların qorǵaw komiteti tárepinen «Sapa hápteligi» sheńberinde Qaraqalpaqstan medicina institutında úgit-násiyat ilajı shólkemlestirildi.
Oǵan Báseki komiteti qánigesi I. Ubbiev hám institut inspektorı T. Karlibaeva qatnasıp, student-jaslarǵa tema boyınsha túsindirmeler berdi.
Ilaj dawamında ónim hám xızmetler sapasın támiyinlew, tutınıwshılar huqıqların qorǵaw, sapasız ónimlerdiń aldın alıw, sonday-aq satıp alıw hám xızmetlerden paydalanıw procesinde tutınıwshılardıń nızamlı máplerin biliwi hám qorǵay alıwınıń áhmiyeti haqqında maǵlıwmat berildi.
Sonday-aq, student-jaslardıń huqıqıy sawatlılıǵın arttırıw, tutınıwshı sıpatındaǵı huqıq hám minnetlemelerin túsiniw hámde kúndelikli turmısta sapa hám qáwipsizlik talaplarına itibarlı bolıw máselelerine ayrıqsha toqtap ótildi.
