BUYUK BRITANIYADA MAGISTRATURADA O‘QISH IMKONIYATI — CHEVENING

03.10.2026 Поделиться

🎓 Qoraqalpog‘iston tibbiyot instituti talabalari, bitiruvchilari va professor-o‘qituvchilari diqqatiga!

Buyuk Britaniya hukumatining “Chevening” stipendiya dasturiga arizalar qabuli davom etmoqda. Dastur yetakchilik salohiyatiga ega nomzodlarga Buyuk Britaniya universitetlarida magistratura bosqichida tahsil olish imkoniyatini taqdim etadi.

💷 Stipendiya nimalarni qoplaydi?

✅ O‘qish to‘lovlari;

✅ Har oylik yashash stipendiyasi;

✅ Buyuk Britaniyaga borish va qaytish aviachiptalari;

✅ Viza to‘lovlari;

✅ Dastur doirasida belgilangan qo‘shimcha mablag‘lar va rasmiy Chevening tadbirlariga safar xarajatlari.

📌 Nomzodlarga asosiy talablar:

• O‘zbekiston Respublikasi fuqarosi bo‘lish;

• Bakalavr diplomiga ega bo‘lish;

• Bakalavriatni tugatgandan keyin kamida 2 yillik ish tajribasiga ega bo‘lish;

• Yetakchilik salohiyati va kelajakdagi aniq kasbiy maqsadlarini namoyish etish;

• Buyuk Britaniyadagi 3 ta magistratura dasturiga ariza topshirish hamda 2027-yil iyul oyi o‘rtalarigacha kamida bittasidan shartsiz qabul xatini olish;

• O‘qish yakunida O‘zbekistonga qaytib, kamida 2 yil mamlakatda faoliyat yuritish.

💡 Talabalar uchun: dastur magistratura bosqichiga mo‘ljallangan. Hozir bakalavriatda o‘qiyotgan talabalar ushbu imkoniyat bilan tanishib, kelgusidagi ishtiroki uchun oldindan tayyorgarlik ko‘rishlari mumkin.

📝 Saralashda onlayn ariza va 4 ta esse baholanadi. Keyingi bosqich suhbat shaklida o‘tkaziladi, suhbatdan oldin 2 ta tavsiyanoma taqdim etiladi.

⏳ Ariza topshirishning oxirgi kuni: 2026-yil 6-oktabr!

🌐 Ariza topshirish: www.chevening.org/apply

📍 Dastur shartlari va ariza topshirish tartibi bo‘yicha batafsil ma’lumotni Qoraqalpog‘iston tibbiyot institutining Xalqaro aloqalar bo‘limidan olishingiz mumkin.

Xalqaro ta’lim sari qadam tashlang — imkoniyatni qo‘ldan boy bermang!