QIZLAR TARBIYASI — JAMIYAT KELAJAGI POYDEVORI
14.10.2026 ПоделитьсяQoraqalpog‘iston tibbiyot institutining 2-tibbiyot fakulteti talaba-qizlari ishtirokida “Qiz — elning ko‘rki” mavzusida davra suhbati tashkil etildi.
Suhbat davomida qizlar tarbiyasi, milliy qadriyatlar va odob-axloq me’yorlariga rioya qilish, oilada va jamiyatda ayolning o‘rni, shuningdek, yoshlarning ma’naviy-axloqiy kamoloti masalalariga alohida e’tibor qaratildi.
Tadbirda talaba-qizlarning o‘zini tutishi, muomala madaniyati, kiyinish odobi hamda zamonaviy bilim va kasbiy ko‘nikmalarni egallash bilan bir qatorda, yuksak ma’naviy fazilatlarni shakllantirish muhimligi ta’kidlandi.
Davra suhbati yoshlar, xususan, talaba-qizlar o‘rtasida milliy qadriyatlarga hurmat, mas’uliyat va odob-axloq tamoyillarini mustahkamlashga xizmat qildi.

